قالو عن الحب

تخيلوا واحد صاحبى بيحب حد مش بيحبة ورغم عن كده بيقولى

‏سقطت من عيني دمعه في البحر‏,‏ ان وجدوها فسوف اتوقف عن حبها

صعبان عليا قووووووووووووى
صح

لاتخف‏:‏ انني احمل قلبك في قلبي‏
ومشيلوشى انا ليه هو انا صغير

معك‏:‏ اضيع‏..‏ من غيرك‏:‏ اشتاق الي ان اضيع‏!
ديتها كام ورقه منشورات وتبلغ عن نفسك هتعرف معنى الضياع عند حبايبنا الحلوين

‏سقطت من عيني دمعه في البحر‏,‏ ان وجدوها فسوف اتوقف عن حبك‏
لماابقى فاضى هبقى ادور معاك

لو في كل مره فكرت فيك قطفت ورده‏,‏ لاصبح عندي الان جبل من الورود‏
فوت علينا بكره وهات صحن كبير معاك وهبقى اتوصى

انا لا احبك لما انت عليه‏,‏ وانما لما انا عليه عندما اكون معك‏..‏ انا لا احبك فقط لما صرت اليه‏,‏ ولكن لما صيرتني اليه‏..‏ انا احبك بسبب هذا الذي كان في اعماقي ثم أخرجته انت الي السطح‏
اخرجته من اعماقى .... دهب يا قوت مرجان احمدك يارب

عندما يصبح انتظاري لك ..هو انتظاري لي ..ستكتشفين حقيقة الحب
وتجرى تشد فى شعرك فى الشارع ..وجدتها...... وجدتها

لم اعد اذكر تفاصيل وجهك و لكن كل ما اراه لوحة رسمت نفسها امامى ، و انصرفت على وعد يتحدد بالعودة
يعنى لو سلمت عليك صدفه فى الشارع هتفضحها وتقول بتخطفنى

فى عالمنا المزدحم ...حتى بطاقات الحب تصل متأخرة
انت اللى غلطان مبعتوش على الاميل ليه تالناس دلوقتى بتبعت مسييييييدج يرد عليك بمسيييدج تديلو ميييسد يرد عليك بمييسد

الخيال هو ليل الحياة الجميل ! هو حصننا من قسوة النهار الطويل !

عندى انا البغل الاعمى

تولد الغيرة مع الحب ، ولكنها لاتموت معه .
محدش بيموت علشان حد

شيئان يفسـدان الحب .. الصمت والاهمال .
وبيخلوه يعفن كمان والله

الحب كالرمل في يدك‏..‏ اذا اقفلت اصابعك عليه برفق بقي في بطن يدك‏,‏ وان ضغطت عليه هرب من اصابعك‏
ولو طيرته فىالهواء لدخل فى عينيك

الذي يخاف الحب أرق من الذي يخافه
وربنا وربنا ما فاهمه الجمله دى

الحب الحقيقي : هو أن تحب الشخص الوحيد القادر على أن يجعلك تعيسا
ويجعلنى انا ليه ..انا انكد عليه عشتو واوريلو النجوم فى عز الظهر

أجمل ما في الدنيا: الحب والرغيف والحرية
تؤتؤتتؤتؤ والنووووووووووووووووم

الإهمال يقتل الحب ، والنسيان يدفنه
وانا بمشى فى جنازته

الحب سلطان ولذلك فهو فوق القانون
كوسه بقى

أنت لا تعرف قلبك حتى تفشل في الحب
ويمكن هو اللى ميعرفنيش

الحب كالقمر له وجهان: الغيرة هي الوجه المظلم
حلو اوى نفضل نلعب بيه ملك وكتابه طول النهار

الحب يقضي على الكثير من الآلام لأنه أعظمها
صح الحب زى الفليت

الأعمال أعلى صوتا من الكلام-إلا في الحب
وانا بردو بمشى فى الشارع بلاقى الناس بتزعق لبعضها واقول ليه

الدموع تروي الحب والبسمات تنعشه
وانا بقطفه سرقه

الحب كالمعدة القوية يهضم أي طعام وأي كلام
كده جينا للكلام المفيد

الحب ليس هلوسة ولكن فيه الكثير منها
مش دى اللى بتجى مع الحمى عارفاها

الحب يجعل الزمن يمضي والزمن يجعل الحب يمضي
والله كلو بيمضى ومش عارفه ليه انا اللى بمشى أزوك


الذين أحبوا بقوة ، لم يحبوا من أول نظرة
اكيد ضعاف النظر زيى

الحب هو أن تبالغ في قيمة من تعرف ، والغيرة هي أن تبالغ في قيمة من لا تعرف
لو فاصلت معاه هتاخد الاتنين بنص التمن

الإخلاص في الحب ليس إلا كسلا في النظر إلى إنسان آخر
هو ده عيبو الكسل جايبنا ورا والله ..وعلى رايك لسه هندور ما ده مقضى الغرض
المحب لا يجوع . والجائع لا يحب
انا بردو لما بجوع مبشوفشى قدامى


الحب بئر عميق اشرب منها فقط واحترس من أن تقع بها
متبصش لصورتك فيه وانت متقعشى
ويمكن بيبص لنفسوا فيه بيتخض وبيقع


الذي يحبك بقسوة إنما يكرهك برفق
طب وليه الضرب ما الشتيمه حلوه

الحب يولد في العزلة والكراهية تولد بين الناس
الحب زى العناكب والكراهيه زى الفضيحه يعنى

الحب ليس أعمى ولكنه مصاب ببعد النظر فهو لا يدرك الأخطاء إلا عندما يبتعد
مش بقولك شكلنا هنزعل سوا

الندم لمن عرفوا الحب والأسف للذين لم يعرفوه
طب وانا اخد ايه انا مخدتش


اللعبة الوحيدة التي يشترك فيها اثنان ويكسبان فيها اثنان أو يخسرا معا..الحب
لو دخلونى معاهم كنت قشيت الورق



الحب كالحرب من السهل أن تشعلها..ومن الصعب أن تخمدها
زى السجاره مهما تدوس عليها مش بتططفى


بالحب لا نعقل وبالعقل لا نحب
وكده او كده مش هتعمل حاجه بردو

بالقلب نحب .. وبالعقل نكره .. بالاثنين نصاب بالجنون
مش بقولك لو فاصلت هتاخدهم الاتنين بنص التمن

بذور الحب تنمو على مهل ، أما الثمار فبسعة
يعنى ايه فبسعه ....

حب تطارده:جميل ، حب يطاردك أجمل
يعنى يجروا ورا بعض فى دايره

روح المحب تعيش في جسم من يحب
ايه فيلم الرعب ده بقى ما كنا حلوين

حبنا لشخص لجماله ليس حبا ، ولكن عندما نحبه رغم عيوبه .. فهذا هو الحب بكل تأكيد
او رغم جيوبه

عندما نريد الحب لا يجيء ، عندما يجيء لا نريده
ارننه وعنتظه بعيد عنك

عقوبة من يحب كثيرا ..أن يحب دائما
او الاعدام

في الليل وفي الحب يصاب الناس بعمى الألوان
انت مصمم نزعل بلاش عيوب النظر دى بقى

في الحب ننسى كرامتنا ، وفي الغيرة ننسى الحب
شغل زهيمر والله

في الحب خطابات نبعث بها وأخرى نمزقها وأجمل الخطابات هي التي لا نكتبها
خلاص نقعد نكتب ونقطع الورق تانى طول النهار ورانا ايه

قد يولد الحب بكلمة ولكنه لا يموت أبد بكلمة
طب ولو جمله تمشى معاك ؟؟

ليس الحب هو الذي يعذبنا ، ولكن من نحب
اضربو انت بالجزمه كوووووووووول

لا أحبك لأنك مصدر راحتي وإنما أحب راحتي لأنك مصدرها
استوردها المستورد احسن


ان الحب يغسلنا من الحقد .
بينضف يعنى ولا ايه ممكن استعملوا

ان كلمات الحب اجمل من الحب .
بق على الفاضى




الحب كالحياة نفسها يتحرك دائماً ، يتحرك إلى الأمام وإلى الخلف ولكنه لا يتوقف .
اخيلونا بقى


.

المرأة التي تحب زوجها تحب ان تراه على الدوام سعيداً .
ههههههههههههههههههههههههههههه ككده الكره حلو اوى عند المصريين

تصبح الحياة قاتمة ، اذا انعدم الحب .
ابدا والله هتبقى فل

في الحب كل شيء صدق .. وكل شيء كذب ايضاً .
والله حسب المزاج

الحب حلم ، والزواج حقيقة ، وحياتنا ان نخلط بين الاثنين .
تؤتؤت الحلم نجوم والزواج بلاعه بتقع فيها لما تفضل باصص للنجوم


الحب من طرف واحد قائم على الذل والخضوع .
نتكلم جد شويه ....بالععكس فيه عظمه كبيره

لا تطلب من المرأة ان تحبك .. اجعلها تحبك .
اصل المرأه عمرها ما تعمل اللى تطلبه ..حلوه اجعلها ولا.....

الحب بذرة تتمنى المرأة ان يزرعها الرجل في قلبها .
الحب ورده فى قلب المره يحصدها الرجل



انما الدليل على الحب ، القدرة على احتمال الزوجين أحدهما الأخر .
والشاطر اللى يخلى التانى يقول gayy

ومعلش لو كنت بحب الهزاااااااااااااااااااااااااااااااااااااااااااار بس ده طبعى والله

light night

ههههههههههههههههههههههههههههههههههههههه
مش ممكن
هايلة التعليقات قووووووووووووى
فوق رائعة
...........................................................
شوهت الموضوع ربنا يسامحك

الذي يخاف الحب أرق من الذي يخافه
وربنا وربنا ما فاهمه الجمله دى

والله انا كمان مش فاهمها وهى الجملة الوحيدة اللى استوقفتنى وبردة مفهمتهاش بصراحة شكيت فى نفسى
وافتكرت انكم هتفهموما
فكرك عالى قوووووووووى

الذي يخاف الحب أرق من الذي يخافه
يا جماعه بلاش نظهر اننا مش فاهمينه اكتر من كده
خدوها انها عايده علي ان الذي يخاف الحب ارق من الذي يخافه الحب نفسه
كده تمشي ولا ايه

المحب لا يجوع . والجائع لا يحب
انا بردو لما بجوع مبشوفشى قدامى

اكتر تعليق ضحكنى
فعلا الوصول لقلب المرأة بطنها

طيب لو شايف كده
الحق حط جدول للاكل
قبل المحظور ما يقع وتلاقي نفسك يا عيني لايص مش عارف تعمل ايه

هههههههههههههههههههههه
لا دمك خفيف يامضروبه