والله يا أختى
الحياة كلها ما تستاهل ان الواحد يضيع منها لحظة سعيدة ممكن يعيشها
بصراحة مش متفق معاكى خالص فى موضوع التقل ده بالذات فى قصة لم تبدأ اجمل واهم فصولها
صدقينى انا اكبر منك بردة ومن خلال خبرة بسيطة بالحياة
المواضيع التى تخص القلب بالذات اوعى تاخدى برأى حد مهما كانت ثقتك فيه
مشكلتنا اننا بنحب ناس وبنثق فى ارائهم وبنعمل بيها واحنا مش شايفين
وفــ الاخر بنندم
وممكن الشخص اللى بتاخدى رأية ده ومحسسك ان المسألة عندة مبدأ وواحد زائد واحد اتنين
لو الموضوع حصل معاه بعد كدة هتلقية مش بيعمل بأى حاجة من اللى كان بيقولها ليك
.........................................
عشان كده بقولك الحياة اتفه من اننا نفكر فيها كتير ونتقل كتير ونضيع اجمل لحظات عمرنا عشان مجموعة من الحسابات
انا رأى مدام مش بعمل حاجة تغضب ربنا
اصلى استخارة واتوكل على الله
على فكرة انا لا اتفق على الاطلاق مع البنت اللى تفضل كرامتها على كرامة انسان ممكن يبقى زوجها فى يوم من الايام
على العكس هى تحافظ على كرامتة اكتر ( اهم مبدأ عند دارك ستار فى الانسانة اللى بيختارها )
وانا واثق انها لو عملت ده
عمرة ما هيديها فرصة انها تتنازل عن كرامتها عشانة
اما موضوع الخمر ده فعلا الواحد ما يعرفش يخبية