سمعت النكته دي

مره كان فيه ارنب تعبان وراسه بتوجعه فالسلحفاه قالت له انا هروح اجيب لك الدوا وفعلا راحت ,
ومر الوقت ساعه ساعتين تلاته هب اليوم خلص , وفي اليوم التاني الارنب صحي من النوم والسلحفاه لسه ماجاتش
فطلع يدور عليها فلقاها لسه علي بعد 100 متر فزعق وقالها انا اللي غلطان اني اعتمدت علي واحده زيك فردت وقالتله : احترم نفسك لحسن والله ما اروح


عجوزه قاعده تاكل صرصار ومش واخده بالها فاكراه بلحايه
فبتقول ياساتر حتي البلح حطوا فيه مايونيز

البنت: لما نتجوز أنا عاوزة أشاركك فى كل مشاكلك و متاعبك و أخففها عنك.
الولد : لكن أنا ما عنديش مشاكل. البنت: أيوه لإننا لسة ما اتجوزناش

الزوجة : إنت دايما شايل صورتى معاك و رايح بيها المكتب ...ليه؟
الزوج: لما بلاقى مشكلة مهما كانت معقدة ببص لصورتك ألاقيها اتحلت على طول.
الزوجة: شايف أنا أد إيه مهمة بالنسبالك. الزوج: أيوة...ببص فى صورتك و أقول لنفسى " إيه المشكلة اللى ممكن تكون أكبر من دى؟


رئيس دوله صغيره راح زياره للصين رئيس الصين بيقله احنا عددنا 900 مليون نسمه
انتو عددكم كام رد رئيس الدوله احنا 30 ألف راح رئيس الصين قاله يا راجل طب مجبتهمش معاك ليه

مرة واحد صعيدي ماشي حافي فدخل مسمار في رجله فا الصعيدي قال للمسمار دخلت طب و حياة امك ما انت خارج

مره واحد اشتري ستالايت من ورا اهله , فقالهم ماحدش يطلع فوق السطوح علشان انا اشتريت كلب كبير ومتوحش
فطلع واحد من اهله علشان يستكشف الموضوع فنزل جري من علي السطح وهو بيرتعش فسالوه اهله : شفت الكلب
فقالهم لاه بس شفت الطبق اللي بياكل فيه

iهههههههههههههه
كويسة
بس موش قوى يعنى

كلك زوق يا sad heart والله ماكانش ليه لزوم للمجامله الظريفه دي

واضح ان فيه حاجه تعباك ياريت تتخلص منها الاول وبعدين ادخل المنتدي

لا و الله يابسبوسه والله زي العسل
و اللي مش عاجبه بلاش يدخل اصلا

ربنا يخليكي ياعسل

اتعلموا بقي ...... هتتعلموها امتي مش عارفه
واخد بالك ياللي في بالي

basbosa كتب:

كلك زوق يا sad heart والله ماكانش ليه لزوم للمجامله الظريفه دي

واضح ان فيه حاجه تعباك ياريت تتخلص منها الاول وبعدين ادخل المنتدي

دة موش اسلوب راقى للحوار

ضي القمر كتب:

لا و الله يابسبوسه والله زي العسل
و اللي مش عاجبه بلاش يدخل اصلا

اولا النكت دى موش زى العسل ولا حاجة دى عادية جدا وقديمة جدا ومش تضحك بالمرة

وبعدين اية اللى موش عاجبة بلاش يدخل دى غريبة جدا والله
سبحان الله من يقول رأية بصراحة يعاتب فى هذة الايام
عموما شكرا كتير على زوقكم ودة كان مجرد راى لا اكثر ولا اقل
ثانيا المنتدى عاجبنى جدا

علي فكره اسلوبي مافيهوش حاجه غير راقيه بالمره
والاسلوب الراقي فعلا اللي انت بتتكلم عنه مش انك تقول رايك بالطريقه الغير لائقه دي
وعلي فكره لو كانت مش بتضحك ماكانش فيه ناس تانيه قالت عليها حلوه يعني انا سمعتها وكتبتها
انت قريتها وماعجبتش يبقي ماكانش ليه لزوم ترد خالص ماحدش طلب رايك والله
وانا لسه مصره علي رايي ان فيه حاجه تاعباك

خلاص يا دودو

حلكي انتي الكبيرة
و لو سمحتم يا جماعه اللي عايز يقول راي وشايف انه ممكن يزعل اللي قدامه بلاش احسن

اوك ياضي انا موافقه بلاش نجرح في بعض احسن

ويا sad heart طالما النتكت مش بتضحكك وتقيله اوي علي قلبك كده ورينا انت النكت الفظيعه
نفسنا نضحك والله ياسيدي واحنا هنقول لاه يعني

نكت جامده وجميله
وحلوا التفاعل بس مش العنف
وبعدين لو في رأي مش عاجبكوا مش لازم كل الاراء تعجبكم لان في وجهات نظر كتير وشخصيات واتجاهات
مشكوره يا بسبوسه علي النكت

THINK befor SMILE كتب:

وبعدين لو في رأي مش عاجبكوا مش لازم كل الاراء تعجبكم لان في وجهات نظر كتير وشخصيات واتجاهات

عسكرى مصرى بيسأل عسكرى اسرائيلى بتقبض كام قالوا الف دولار بدل سكن والف دولار بدل موصلات والف دولار بدل ترفية والف دولار مكافة
فالعسكرى الاسرائيلى ساءل العسكرى المصرى بتقبض كام قالوا سبعين جنية
قالوابدل اية ؟
قالوا بدل ما شحت

الريس جمع شيخ الازهر والبابا شنوده وقالهم انا جمعتكم النهارده علشان اقولكم ان ابنى جمال هيبقى رئيس مصر سنه 2010 قام البابا شنوده وقال اللهم صلى ع النبى شيخ الازهر قاله انت كده اسلمت ياشنوده ؟ شنوده قاله ماهى حاجه تخلى الواحد يطلع عن دينه

مرة دكتور امراض عقليه بيكشف على مخ مريض فطلع المخ وحاطه فى الصنيه على مايكشف على الجمجمه راحت القطه اكلت المخ فالدكتور محتار يحط بدل المخ ايه راح جايب جوز جزمه وحطها فى الجمجمه وقفل على كده بعد سنتين واحد بيسئله بيقوله ايه اخبار المريض بتاع الجزمه قالو اسكت عقبالك دا بئه الرئيس بتعنا

في مدرس يدرس في المرحلة الابتدائية سأل أحد الطلاب
طير بيتكلم وأول حرف منه الباء ؟
فرد عليه الطالب وبسرعه : الببغاء
فقال : ممتاز . اسمك اية؟
فرد : أحمد
سأله المدرس: أبوك بيشتغل اية؟
رد الطالب : دكتور
فقال المدرس : شايفين ولاد الدكاتره ؟
بعدها سأل المدرس السؤال الثالث : طائر له جناحين ... ما هو ؟
فرد أحد الطلاب و بسرعه : تمساح
فيقول المدرس : شايفين الغبي دة
اسمك أية ياغبي؟
ردالطالب : خلف
أبوك يشتغل أية ياغبي؟
رد الطالب : لواء امن دولة
ردالمدرس : بص يا حبيبي هو التمساح بيطير بس مش كتير ولو شد حيله
حيطير أعلى

سأل الرئيس وزيره : كيف حال الشعب بعد ما
غلينا العيش ؟
فقال : يا سيدي بياكل زفت
فقاله : طيب غلي الزفت


بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا

مره توني بلير و بوش والريس عملين ماتش كوره
و همه بيلعبوا الكره وقعت في بحيره مليانه تماسح مفترسه
توني بلير امر واحد من الحرس بتوعوه انه ينزل يجيب الكره من البحيره..
الحرس قال له ماينفعش انزل علشان انا عندي ولاد و عايز اعيش و اربيهم
قام الريس امر واحد من الحرس بتوعه انه ينزل يجيب الكره من البحيره...
العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره
فبيسألوه انت ليه نزلت مع انك عارف ان البحيره مليانه تماسيح مفترسه
قلهم انا برضه عندي عيال و عايز اعيش و اربيهم


بيقولوا للريس قبل الانتخابات "انت مش هاتودع الشعب وللا ايه؟"
قاللهم "ليه هو الشعب رايح فين؟

مشكور جدا علي مشاركتك
بس والله ومن غير زعل انا قريت النكت دي كلها قبل كده وماضحكتنيش بس مش معني كده ان ردي يبقي جارح
وعلي فكره انا عارفه مين حضرتك وعارفه انك جايبها من منتدي ..... fakh اكيد كده عرفته

ضي القمر كتب:

و اللي مش عاجبه بلاش يدخل اصلا

على فكرة الكلمة دى معصبانى جدا
اى منتدى فى الدنيا موش حكر على اى واحد ولا حتى صاحبة لانة ملك للشبكة العنكبوتية ومن اى حد انة يدخل ويقول رأية طالما بطريقة محترمة واظن انى كنت كدة دة
اما اذا كان الاحترام لية معنى تانى فى قاموس حضرتك يبقى من حقك تقولى الكلمة اللى موش لاقيلها مبرر دى خالص

واتمنى يكون كلاملى وصل بالمعنى المطلوب
وشكرا جدا على زوقكم

LighT NighT كتب:

sad
متقولشى النكت دى تانى علشان مصلحتك

انا خايفه عليك واحد عصبى شويه لو قولت هم ليه ممكن يقضى عليك

هههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههههه
ربنا على الظالم

الكلام دة ولا ياكل معايا خالص وكل واحد عارف امكانياتة كويس اوى

ايه يا جماعه دي نكته
ههههههههه مش اكتر
دا مش حرب
اللي مضايق هنعمل قاعده عرب لانكوا كده كبرتوا المواضيع
ماشي